Schnitzelbanken/Bilder

image-7010017-Die Lustgurken.JPG






Und hier unsere Schnitzelbank-Sprüche 2017:



Unten ein Ausschnitt unserer Schnitzelbank-Sprüche von der Fasnacht 2017.

(und wie immer, wer eines der toll gestalteten Bilder erwerben möchte: einfach in der Hohe Lust melden)


Für Schnapschüsse vom Maskenball 2017 der Lustgurken klicke ganz einfach auf folgenden link:


(Bilder von Claudia B. zur Verfügung gestellt)
Eines Tages chunt dä Fox voller Freud i d Luscht
Jetzt han ich i mim hohe Alter doch no eini entjumpferet verzelt er mit gschwelter Bruscht
Er hät ali Abschrankigä und Warnsignal missachtet und isch is Loch i gfahre
Dä Tunnel vo dä Umfahrig Küblis wär gär na nöd frei gä gsi für än private Chare
Will mer kein Fahrer im Chare hät gseh
Händ d Arbeiter gmeint es heg ä Probefahrt mit emene selbstfahrende Auto geh
Im Herbst isch z Wienacht d Ufregig gross
Ihr händs ja sicher ghört dä Wolf isch los
Mä ghört dä Sepp  Eugster lamentiere und flueche
Dä Wolf hät bi üsne Nutztier  überhopt nüt z sueche       
Statt z Wienacht z risse äs Schaf oder äs Gitzi
Gieng dä Wolf gschieder uf Staad und holti dä Fitzi
Was dä Donald Trump währendem Wahlkampf tuet verspreche
Gaht scho bald unter Verlümdig und Verbreche
Nach dä Wahl vom Trump hät d Welt d Luft aghalte
Nach ere churze Schockstari bliebt s schnell wieder bim Alte
Doris Leuthard hät gmischti Gfühl bimene Staatsbsuche, mer cha sie guet verstah
Schliesslich weiss sie, wie dä Trump mit grosse Fraue tuet umgah
Dä Donald Trump gilt als dä mächtigscht Maa vo dä Welt
Er isch Amerikanischepräsident und hät en hufe Geld
Mit sinere selbstherrliche Art tuet er ganz Amerika ume dirigiere
Und meint er chöni so die ganz Welt regiere
Am Stammtisch i dä( Hohe-Lust) seit äs Buurli, ä schiesse
Bi dä Appezeller würd er sich na schön Zäh us bisse
D Welt isch im Wandel, dä Obama hört uf
Nach äm Brexit gaht au äm Cameron us dä Schnuuf
Dä Renzi z Italie hät sich au verspekuliert mo mol
Und z Frankriich hät dä Holland d Schnauze gstriche voll
Zrugg trätte sind au dä Giacobbo/Müller und sogar dä Mike Shiva
Als einzigi konstanti bliebt nu d Angela Merkel di Dütsch Diva

D Schwiizernati isch mit vill freud i d Fussball EM gstartet
Und Zuschauer händ vo dere Manschaft vill erwartet
Bim Match gaht s denn au richtig zur Sach
En hufe Schwizerliebli halted am Druck nöd stand, si sind eifach z schwach
Bim Interview hät dä Shaqiri glacht
Es isch nu guet das Puma kei Pariser macht
Im Herbst schlat mer Alarm am Bodeseestrand
Rundume sterbed Vögel am laufende Band
Hilfe, hilfe dä Röbi Raths verwacht bachnass am früene Morge
Das er am gliche Strand blütlet hät macht ihm grossi Sorge
D Erinnerig an FKK-Usflug stimmt ihn bitter
Jetzt mues min Vogel aber sofort hinder Gitter
Dä Hampi Louis, dä Dorf bekannt Fasnacht-Tschugger
Sött wuchelang en Brief zuestelle, sini Geduld wird immer lugger
Wie dä Sheriff vo St.Margrethe in Wildwestmanier
Kleb er an Briefchaschte ä amtlichi Ufforderig uf rotem Papier
En Nachbar empört sich, wa hät en au gritte
Mit so wenig Ufwand schaffts dä Hampi uf Blick Titelsite
Di Lokal SVP witteret rund um dä Röbi Raths en Skandal
Si wänd umsverreckä wüsse wie vill verdient dä Gmeindspräsident vo Thal
Di Einte säged er vermag an Maserati dä chunt vill z vill über isch ja klar
En Andere seit aber kännsch doch die Gschicht vo dä Pascha-Bar
Mit 20 Franke gaht dä Röbi mit emene Kolleg i Pascha-Bar uf enTippel
Si flüged use, für so wenig Chole gsehnt s nöd emal än Nippel
D Esther Tobler hät zum wohne z Thal kei Luscht
Weg dem ville Nebel und dene ewige Baustelle hät si en riese Fruscht
So züglet si jetzt is schöni Appenzellervorderland
Scho bald find si nach em poschte s Auto nüme, s isch aller hand
Das si jetzt ä AR-Nummere hät, cha si sich nöd iipräge
So feini Höheluft chönd äbä nöd alli veträge !!!
Dä Christof Giger isch i Not er schlüsst sini Schlüssel im Auto i
Er rüeft dä Köbi Niederer und dä Thomas Hotz und inere Minute isch das Problem verbi
Beruhigt fahrt dä Köbi und d Lydia uf Italie i d Ferie und parkiert
Er holt na schnell öpis us äm Auto und scho isch äm s glich Malör wie am Christof passiert
Dä ganz Tag chüngelet dä Italienisch Pannedienst, dä Köbi meint: da kasche nite magge
Dä Thomas Hotz würdi das Schloss i 1 Minute mage dä  knagge, s isch zum lagge
Dä Sandro Cazorzi fahrt mit sim neu kaufte Auto uf dä Autobahn vo St.Galle
Z mal piepsts und d Warnlampe lüchted es hät ihm gar nöd g falle
Z mitzt im Firabigverkehr bliebt dä Charä z Rhynegg i dä Bahnhofstrass stah
Sofort git s än riesä Stau, dä Sandro mues sin Charä abschleppe lah
Dä Sandro fluechet: frisch kauft und scho kapput es reut mi jede Franke
De bi het er nu müese ä paar Tropfe Benzin go tanke
Dä Thomas Hotz gseht imene Landi-Flyer für 60 Franke en Olivebaum
Da fahri hi, das isch scho lang min Traum
Er leiht sich es Büssli us und füllt na schnell dä Tank
Nach em günschtige Chauf wot er hei fahre, aber dä Charä tut kein wank
D Myrtha lached, wämer statt Benzin tuet Diesel tanke
Choscht so en Olivebaum schnell 400 Franke


Vill Bundesröt sind uf Brüssel Gschrpäch go füere
Aber d EU tuet das gar nöd berüere
Si wänd das mir tüend d Recht und Gsetz vo ine überneh
Und vo dere Rosinlipickerei wend si nüt me gseh
Z Brüssel blast jetzt ä stiefi Brise
Dä überraschendi Brexit verschärft na Krise

Turnerunterhaltig Lutzeberg im Früelig 2016 isch gsi toll
D Halle isch beidi  mal gsi erbe voll
Nu Dameriege macht wiederemal en ghörige Salat
Und händ wie immer müe zum gstallte äs aständigs Plakat
D Oeffnigszyte müend na separat ufklebt werde, gell liebi Ruth
Üs nähms scho na wunder, was du bim mache graucht häsch für äs Chrut

Au als früe Pensionierte isch bim Werner Dutler einiges los
Er goht go choche ines Ferielager uf Davos
Sini Ziitige loht er au is Bündnerland umleite, da isch im wichtig
Aber dasmal klappets mit em Briefchaschteschlüssel nöd so richtig
Verzwieflet probiert er a sini Poscht z cho, es isch en Witz
Dä Werner schiiteret a dem enge Schlitz